Un músico calquera en escena. Outro personaxe que o ve e queda pasmado pola súa capacidade de atraer ó público. Este último intenta demostrar que tamén pode ser artista, pero non lle resultará tan doado como pensa... Por outra banda, un cantante e un guitarrista reivindicativos, co poder e a responsabilidade de comunicar a través da súa música.

​

Enfrontados a todos eles, un home con pel de serpe, inculto e con moita fachenda, que di defender a cultura... pero no fondo so busca utilizala como forma de entretemento para unha sociedade submisa e aletargada. Todo elo envolto nun ambiente musical, xa que, pase o que pase, a arte sempre está presente.